ROMË, 21 prill /ATSH/- Bien me 528 më pak se dje pacientët me koronavirus, por nëse shërohen shumë, shumë akoma po infektohen, aq sa infeksionet e reja llogariten në 2,779, pra 473 më shumë se ato të 24 orëve më parë, shkruan gazeta ”IlGiornale”.
Fatkeqësisht, është rritur edhe numri i vdekjeve me 534, krahasuar me 454 një ditë më parë, për një total prej 24 648 viktimash, që është shkalla me vdekshmërinë më të lartë në Europë pas Spanjës, në proporcion me numrin e rasteve që nga fillimi i epidemisë.
Në këtë ritëm të epidemisë, të shëruarit kanë qenë 2 723 në ditën e sotme por ajo që ka më shumë rëndësi janë repartet gjithnjë e më të zbrazëta të Covid të spitaleve: 772 më pak të shtruar në spital në repartet e zakonshëm dhe 102 në njësitë e kujdesit intensiv. /os/
