TIRANË, 31 mars /ATSH/ Edhe Elbasani, si çdo qytet tjetër i Shqipërisë, po zbaton me korrektësi e qytetari masat e marra nga qeveria dhe autoritetet shëndetësore për distancim social, vetëkarantinim dhe respektim të orareve të lëvizjes, për të frenuar përhapjen e pandemisë së koronavirusit COVID-19.
Deri ditën e sotme janë 5 qytetarë të Elbasanit të prekur nga virusi, të cilët po marrin trajtim të specializuar në spitalin Infektiv.
Masat e marra dhe respektimi i tyre nga qytetarët elbasanas kanë krijuar një peizazh surreal për qytetin, që sipas kryebashkiakut Gledian Llatja “zor se do na binte rasti ta shihnim ndonjëherë, por që tregon vullnetin dhe sakrificën në emër të JETËS”.
Kjo fotogaleri vlen sa 1000 fjalë.
