BRUKSEL, 20 mars /ATSH-AFP/- Presidentja e Komisionit Europian, Ursula von der Leyen njoftoi sot pezullimin e rregullave të disiplinës buxhetore të BE-së, një masë e re që do t’i lejojë shtetet anëtare të shpenzojnë aq sa është e nevojshme për të luftuar pasojat ekonomike të koronavirusit.
“Sot dhe kjo është e re dhe nuk është bërë kurrë më parë, ne po aplikojmë klauzolën e përgjithshme nënçmuese, e cila lejon që këto rregulla të pezullohen”, tha von der Leyen në një video të postuar në Twitter.
Brukseli tashmë kishte premtuar javën e kaluar një fleksibilitet maksimal në zbatimin e Paktit, një lehtësim për Italinë, me financat tashmë të rraskapitura, por që nuk u vlerësua e mjaftueshme përballë pasojave katastrofike ekonomike të pandemisë./ /ervo/
