INSTAT: Importet nga vendet e BE-së zënë 56.7% të vëllimit

TIRANË, 17 mars/ATSH/ Shkëmbimet tregtare me vendet e Bashkimit Europian zënë 64%, të gjithë tregtisë.

Sipas raportit të publikuar nga INSTAT, në shkurt të këtij viti eksportet drejt vendeve të BE-së zënë 79.3% të eksporteve gjithsej dhe importet nga vendet e BE-së zënë 56.7% të importeve gjithsej.

Partnerët kryesorë tregtarë janë Italia (33.3%), Greqia (7.2%), Gjermania (6.7%) dhe Turqia (6.6%).

Për periudhën dymujore shkëmbimet tregtare me vendet e BE zunë 64.2% të gjithë tregtisë.

Sipas INSTAT, gjatë 2 muajve të parë të vitit eksportet drejt vendeve të BE-së zënë 80.6% të eksporteve gjithsej dhe importet nga vendet e BE-së zënë 55.9% të importeve gjithsej.

Partnerët kryesorë tregtarë edhe gjatë 2 mujorit janë: Italia (33%), Greqia (7.8%), Gjermania (6.9%) dhe Turqia (6.8%)
a.gjonaj/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.