LITUANI, 13 mars /ATSH-ANSA/ – Je me koronavirus dhe nuk ma ke thënë?
Kështu iu drejtua një burrë bashkëshortes në Lituani dhe e mbylli më pas në tualet.
”Ai detyroi bashkëshorten që t’i telefonojë edhe policisë”, shkruhet në gazetën italiane ”Rasegna”.
“Paniku nga COVID-19 mund të krijojë edhe shaka të hidhura, veçanërisht nëse kihet frikë se një nga njerëzit me të cilët jetojmë është i infektuar”, shkruan gazeta.
Mënyra më e mirë për t’u marrë me këtë situatë hipotetike është padyshim qetësia, ajo që i mungonte një burri nga qyteti Vilnius, në Lituani, i cili nga frika se gruaja e tij ishte infektuar nga koronavirusi i ri, mori një vendim mjaft drastik, duke e karantinuar atë në tualetin e shtëpisë.
Gruaja, në pamundësi për të bindur burrin e saj për të hapur derën, nuk mund të bënte gjë tjetër veçse të thërriste policinë.
Ajo u la e lirë vetëm pas mbërritjes së agjentëve të policisë. Burri u justifikua duke thënë se kishte vepruar sipas këshillave të mjekëve mbi distancimin nga personat e infektuar. /os/ a.jor.
