KOLORADO, 21 shkurt /ATSH-AFP/ – Presidenti amerikan, Donald Trump, kritikoi dje dhënien e çmimit Oscar një filmi koreano-jugor, me titull “Parasite”.
Në një tubim elektoral për rizgjedhjen e tij, në Colorado Springs, Trump pyeti turmën “A e dini sa e keqe ka qenë këtë vit ceremonia e Çmimeve Oscar?”.
“Ne kemi mjaftueshëm problem me Korenë e Jugut, në lidhje me tregtinë dhe, përpos kësaj, ata shkojnë dhe i japin edhe çmimin e filmit më të mirë të vitit?”, u shpreh presidenti.
Transmetuesi amerikan i filmit, Neon, replikoi në Twitter ndaj komenteve të Trump-it, duke cilësuar se skepticizmi i Donald Trump ndaj një filmi me titra është i kuptueshëm, sepse ai nuk di të lexojë.
Trump, presidenca e të cilit është ndërtuar mbi sloganin “Amerika e para” e vazhdoi fjalimin duke këmbëngulur në parapëlqimin e tij për klasikët e mëdhenj të epokës së artë të Hollivudit./ /ervo/ a.jor.
