MYNIH, 15 shkurt /ATSH-ANSA/ – Presidenti ukrainas, Volodymyr Zelensky ka ftuar presidentin amerikan, Donald Trump në Kiev.
Në Konferencën e Mynihut për Sigurinë, Zelensky deklaroi se dëshironte të shkonte në SHBA për të kthyer faqen e marrëdhënieve.
“Dëshiroj të shkoj në SHBA për të kthyer faqen e marrëdhënieve tona, sepse ne mund të biem dakord për nënshkrimin e disa kontratave, mund të biem dakord për gjëra strategjike mbi investimet”, deklaroi Zelensky.
“Të përgatisim së bashku një paketë të këtyre dokumenteve dhe të takohemi”, shtoi presidenti ukrainas.
“Tashmë topi ndodhet në fushën e presidentit amerikan, por ne do të jemi të lumtur t’ju shikojmë një ditë në Ukrainë dhe unë jam i gatshëm t’ju ftoj ose më mirë ftoj presidentin Trump në Kiev”, theksoi ai. / /ec/
