NUREMBERG, 10 shkurt /ATSH-DPA/- Stabiliteti i Gjermanisë si një e tërë varet nga gjetja e menjëhershme e pasuesit të Kramp-Karrenbauer-it nga kristiandemokratët e Angela Merkel, tha sot kreu I CSU-së Markus Soeder.
“Duhet të ketë një proces të ndjeshëm dhe të shpejtë të vendimmarrjes. Kjo është shumë më tepër se një çeshtje personeli. Ka të bëjë me stabilitetin e të gjithë vendit, të CDU-së, natyrisht, por edhe të të gjithë vendit”, tha Soeder.
Liderja e partisë Unioni Kristian-demokrat (CDU), Annegret Kramp-Karrenbauer nuk do të garojë për të pasuar Angela Merkelin si kancelare, deklaroi sot një zëdhënës i partisë.
Sipas zëdhënësit, Kramp-Karrenbauer do të dorëhiqet edhe nga pozicioni i lideres së CDU-së.
Ajo u përzgjodh për vendin e kancelares përpara zgjedhjeve të vitit 2021, kur u zgjodh lidere e CDU-së në 2018, si pjesë e planit të Merkelit për t’u larguar gradualisht nga politika gjermane./ /ervo/
