BARCELONË, 6 shkurt /ATSH-DPA/- Kryeministri spanjoll, Pedro Sanchez, i cili u takoi sot presidentin rajonal katalanas, njoftoi se negociatat mes Madridit dhe ekzekutivit rajonal indipendentist mbi krizën në Katalonjë do të fillojnë në shkurt.
“Ne kemi vendosur të zhvillojmë takimin e parë të këtij komisioni dypalësh mes qeverisë qendrore dhe rajonale gjatë këtij muaji”, theksoi socialisti.
Qeveria spanjolle ra dakord për krijimin e një forumi për dialog me rajonin e Katalonjës në një takim në Barcelonë, një përparim i papritur pasi ishte takimi i parë në më shumë se një vit.
Kryeministri Pedro Sanchez u takua me liderin e Katalonjës Quim Torra për të diskutuar mbi ambiciet e pavarësisë së rajonit. Pas shkëmbimit fillestar, Sanchez deklaroi se të dyja palët ranë dakord të zhvillonin takime të rregullta, duke filluar që nga shkurti.
“Është e qartë që duhet të ndryshojmë rrjedhën. Dekadën e fundit të gjithë kemi humbur shumë”, shtoi Sanchez. / /sara/
