PARIS, 2 shkurt /ATSH-AFP/ – Ja se cilat ishin fazat kryesore të marrëdhënieve mes Britanisë së Madhe dhe Bashkimit Europian, divorci i të cilëve përfundoi.
Integrimi europian
9 gusht 1961. Aplikimi i parë i Britanisë së Madhe për anëtarësimin në Komunitetin Ekonomik Europian (CEE), paraardhës i BE-së.
14 janar 1963. Vetoja e parë e gjeneralit de Gaulle kundër anëtarësimit të Britanisë së Madhe, e ndjekur nga një e dytë më 27 nëntor 1967.
1 janar 1973. Britania e Madhe i bashkohet CEE-së.
5 qershor 1975. Në një referendum për qëndrimin në CEE, britanikët votojnë “po” me më shumë se 67% të votave.
Kthesa Thatcher
30 nëntor 1979. Kryeministrja konservatore, Margaret Thatcher kërkon rimbursim për pjesëmarrjen britanike në buxhetin europian, përmes shprehjes së famshme “Dua paratë e mia!”.
20 shtator 1988. Fjalimi në Bruges, Thatcher kundërshton çdo zhvillim federal të formimit europian.
Klauzola e përjashtimit
7 shkurt 1992. Nënshkrimi i Traktatit të Maastricht-it, akti i dytë themelor i formimit europian pas Traktatit të Romës në 1957.
Britania e Madhe përfiton nga klauzola e përjashtimit dhe nuk i bashkohet monedhës unike.
23 korrik 1993. Kryeministri konservator, John Major rrëzon ratifikimin nga Parlamenti të Traktatit të Maastricht-it.
Fitorja e “largimit”
23 qershor 2016. Britanikët votojnë me 51,9 % për daljen e Britanisë së Madhe nga BE.
29 mars 2017. Zyrtarizohet procesi i zhvillimit të Brexit-it.
22 nëntor 2018. BE dhe Britania e Madhe arrijnë marrëveshjen e përkohshme për marrëdhëniet e tyre pas Brexit-it.
Bllokada në Londër
15 janar 2019. Deputetët britanikë votojnë kundër marrëveshjes së Brexit-it.
24 korrik. Konservatori Boris Johnson, mbështetës i “Brexit më 31 tetor me ose pa marrëveshje”, zëvendëson Theresa May-in.
Marrëveshja e re dhe shtyrja e tretë
17 tetor. Boris Johnson dhe presidenti i Komisionit Europian, Jean-Claude Juncker, njoftojnë marrëveshjen e re.
31 janar 2020. Brexit hyn në fuqi në ora 23:00 (koha e Londrës dhe GMT). / /ervo/ a.jor.
