DAVOS, 22 janar /ATSH-DPA/ – Presidentja e Komisionit Europian, Ursula von der Leyen paralajmëroi partnerët kryesorë tregtarë se ekziston mundësia e vendosjes së një takse karboni mbi importet, nëse mendon se kalimi në neutralitetin e karbonit shkakton disavantazh për produktet në tregun global.
“Nuk ka kuptim ulja e emetimeve të gazrave serrë në shtëpi, nëse rrisim importin e dioksidit të karbonit nga jashtë”, deklaroi von der Leyen, në Forumin Ekonomik Botëror.
“Është çështje drejtësie ndaj biznesit dhe punëtorëve tanë. Do t’i mbrojmë ata nga konkurrenca e padrejtë”, shtoi von der Leyen, duke ngritur mundësinë për një taksë karboni në kufi, që do të vendoset për mallrat me emetime të larta, të importuara nga jashtë BE-së. / /sara/
