KIEV 9 janar /ATSH-ANSA/- Autoritetet ukrainase nuk përjashtojnë mundësinë që rrëzimi i avionit ukrainas Boeing pas ngritjes nga aeroporti ndërkombëtar i Teheranit, i cili shkaktoi 176 të vdekur, mund të jetë shkaktuar nga një raketë.
Ekipi ukrainas i ekspertëve që po hetojnë fatkeqësinë u takuan me autoritetet iraniane të aviacionit civil në Teheran, të cilët vazhdojnë të besojnë se avioni u rrëzua pas një problemi teknik.
Republika Islamike gjithashtu ftoi Kanadanë dhe Suedinë të marrin pjesë në hetim, pasi në këtë tragjedi humbën jetën 63 shtetas kanadezë dhe 10 suedezë.
“Avioni, i cili fillimisht u drejtua në lindje për të lënë zonën e aeroportit, u kthye djathtas për shkak të një problemi dhe po kthehej në aeroport në kohën e aksidentit,” deklaroi Organizata e Aviacionit Civil Iranian. /os/
