RIAD, 9 janar /ATSH-DPA/ – Arabia Saudite dënoi sulmin iranian me raketa kundër bazave ushtarake në Irak ku ishin të vendosur trupat amerikane, deklaroi Ministria e Jashtme.
“Mbretëria e Arabisë Saudite dënon këto sulme dhe shkeljen e sovranitetit të Irakut”, theksoi ministria.
Në deklaratë përsëritej thirrja e Arabisë Saudite për vetëkontroll nga të gjitha palët dhe ulje tensionesh për të ruajtur sigurinë dhe stabilitetin e Irakut dhe rajonit.
Raketat iraniane goditën dje bazën ushtarake irakiane ku ishin vendosur trupat amerikane, në shenjë hakmarrjeje për vrasjen e gjeneralit iranian Qassem Soleimani në një sulm ajror amerikan në Bagdad. / / sara/
