ROMË, 24 dhjetor /ATSH-DPA/ – Qeveria italiane miratoi përfundimisht buxhetin për vitin 2020 dhe pritet që vendi të shmangë një rritje të planifikuar të taksës së TVSH-së, por bën pak për të zgjidhur problemet e saj ekonomike.
Marrëveshja e buxhetit është rezultat i negociatave të vështira brenda koalicionit qeverisës, një aleancë komplekse midis lëvizjes populiste Pesë Yjet dhe Partisë Demokratike të qendrës së majtë të krijuar në gusht.
Dhoma e Deputetëve mbështeti ekzekutivin me një votim 232 në 334 deputetë, dhe katër abstenime.
Rezultati pritej pasi koalicioni qeverisës ka një shumicë të konfirmuar në Dhomën e Ulët.
Masa kryesore në buxhet është shtyrja e rritjes së taksës së TVSH-së për një vlerë pres 23 miliardë eurosh, që ishte planifikuar të hynte në fuqi në vitin 2020./ /os/ a.jor.
