TIRANË, 22 dhjetor/ATSH- A. Fortuzi/- Zv.ministrja e Brendshme, Rovena Voda, e cila është dhe kryetare e Shtabit të Emergjencës së ngritur në Durrës, për lehtësimin e pasojave të tërmetit të 26 nëntorit theksoi se puna për rigjallërimin e Durrësit vijon me ritëm të lartë.
Voda komentoi ceremoninë festive të organizuar nga fëmijët e shkollës “Edit Durham”, Tiranë në solidaritet me ata të shkollës 9-vjeçare të njësisë administrative nr.6 Durrës, një nga zonat më të prekura nga tërmeti. Ajo tha se puna për ta rikthyer gjallërinë në qytet vijon me ritëm të lartë.
“Në Durrës gjithçka ecën me ritëm të shpejtë për ta rikthyer gjallërinë në qytet, që nga pastrimi i inerteve, rindërtimi i objekteve të dëmtuara, por dhe shpërndarja e dhuratave, siç është rasti i solidaritetit të nxënësve të shkollës “Edit Durham”, Tiranë ndaj atyre të shkollës 9-vjeçare të njësisë administrative nr.6 Durrës, një nga zonat më të prekura nga tërmeti”,-garantoi zv.ministrja Voda. /j.p/
