PRISHTINË, 27 nëntor/ATSH/ Policia e Kosovës ka dërguar ditën e sotme njësite të tjera policore në përbërje prej 100 policë të tjerë të njësive të specializuara, të cilët do të jenë në shërbim të autoriteteve atje, në kërkim-shpëtim të banorëve që dyshohet se kanë mbetur nën gërmadha të objekteve të rrënuara.
Policia e Kosovës thotë se është në gjendje gatishmërie që sipas nevojës të angazhohet me kapacitetet e saj në dispozicion.
Ditë e djeshme u nis në ndihmë të banorëve të prekur nga tërmeti njësia e kërkim-shpëtimit e Gardës Kombëtare të Kosovës./KosovaPress/
