KIEV, 4 nëntor /ATSH-DPA/ – Ushtria ukrainase ka shtyrë tërheqjen e trupave ushtarake në pjesën e trazuar lindore të ish-republikës sovjetike, që do të fillonte sot.
Ushtria akuzoi separatistët prorusë në rajonin e Donetsk-it për mosrespektimin e armëpushimit.
Një kusht për tërheqjen, ishte një armëpushim shtatëditor i vendosur nga Organizata për Siguri dhe Bashkëpunim në Europë (OSBE), njoftoi ushtria në Facebook.
Sipas OSBE-së, armëpushimi u prish të mërkurën në qytetin Petrivske.
Krahas çmilitarizimit të zonave Stanytsia Luhanska dhe Zolote në rajonin e Luhansk, tërheqja nga Petrivske është e fundit nga parakushtet e vendosura, nëse do të zhvillohet një takim midis Zelensky-t dhe presidentit rus Vladimir Putin në nëntor.
Kancelarja gjermane, Angela Merkel dhe presidenti francez, Emmanuel Macron, janë ofruar të luajnë rolin e ndërmjetësit në bisedime, për t’i dhënë fund konfliktit që daton në vitin 2014. / /sara/ a.jor.
