SIRI – Viktima pas një sulmi terrorist

TEL ABYAD, 2 nëntor /ATSH-AA/ – Të paktën 15 civilë kanë humbur jetën si pasojë e sulmit terrorist në rajonin Tel Abyad, në kufi me Turqinë.

Një sulm me autobombë ndodhi në qendrën e rajonit Tel Abyad, nga ku organizata terroriste YPG/PKK është tërhequr.

Si pasojë e shpërthimit kanë humbur jetën të paktën 15 civilë, përfshirë këtu edhe fëmijë, ndërsa shumë të tjerë janë plagosur.

Të plagosurit u dërguan në spitalet e rajonit Akçakale të qytetit Sanliurfa në Turqi, ndërkohë që vazhdojnë shqetësimet se numri i të vrarëve mund të rritet.

Ushtria Kombëtare Siriane (SNA), mbërriti në rajon për shkak të mundësisë se sulmi mund të jetë kryer nga organizata terroriste YPG/PKK.

Pavarësisht marrëveshjes së arritur më 17 tetor mes Turqisë dhe SHBA-së për tërheqjen e organizatës terroriste YPG/PKK nga rajoni i operacionit “Burimi i Paqes”, organizata vazhdon sulmet e saj në rajonet Tal Abyad dhe Ras Al-Ayn, si dhe zonat përreth tyre. / /sara/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.