TIRANË, 24 tetor/ATSH/ Importet e mallrave gjatë muajit shtator arritën vlerën e 52 miliardë lekëve, duke u rritur me 2%, në krahasim me një vit më parë dhe me 0,7%, në krahasim me gushtin e këtij viti 2019.
Rritja vjetore e importeve prej 2%, këtë muaj është ndikuar kryesisht nga grupet “produkte kimike dhe plastike” me 1,6%, “ushqime, pije, duhan” me 0,7%, “minerale, lëndë djegëse, energji elektrike” me 0,5%.
Në ndryshimin vjetor të importeve ka ndikuar negativisht grupi “materiale ndërtimi dhe metale, “makineri, pajisje dhe pjesë këmbimi” me 0,6%, si dhe grupi “lëkurë dhe artikuj prej tyre” me 0,3 %.
/a.gjonaj/
