TIRANË, 11 tetor/ATSH/ Zëdhënësi i LDK-së, Besian Mustafa ka dhënë një sqarim për mediet, duke pohuar se nuk ka pezullim të diskutimeve mes LDK-së dhe LVV-së, diskutime të cilat po vazhdojnë mes grupeve të punës për përafrimin e programeve.
“Nuk ka pezullim të diskutimeve! Po vazhdojnë diskutimet mes grupeve punuese të LDK-së dhe LVV-së për përafrim të programeve tona. Diskutimet në nivel politik për bashkëqeverisjen LDK-LVV vazhdojnë pas certifikimit të rezultate nga KQZ-ja”, shprehet Mustafa.
Ky sqarim vjen pas konferencës për mediet që dha sot më herët Mustafa, menjëherë pas mbarimit të takimit të kryesisë së LDK-së, ku ai nuk dha informacion nëse ishte formuar apo jo sot grupi i punës për negociata me VV-në për koalicion paszgjedhor. /KosovaPress/r.e/
