SHBA – Georgieva drejtoresha e re e FMN

UASHINGTON, 25 shtator /ATSH-AFP/ – Bullgarja Kristalina Georgieva është bërë zyrtarisht gruaja e dytë që emërohet Drejtoreshë e Përgjithshme e FMN-së, njoftoi sot këshilli i administratës së institucionit, në Uashington.

Georgieva, që ishte Drejtoreshë e Përgjithshme e Bankës Botërore, ishte e vetmja kandidate në listë.

Në moshën 66-vjeçare, ajo përfitoi nga një ndryshim në statusin e Fondit, në lidhje me kufirin e moshës, për ta bërë kandidaturën e saj të vlefshme. Mandati i saj pesëvjeçar fillon më 1 tetor./ /ervo/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.