UASHINGTON, 21shtator /ATSH-DPA/ – Shtetet e Bashkuara të Amerikës do të dërgojnë trupa shtesë në Lindjen e Mesme, pas sulmeve në rafineritë e naftës në Arabinë Saudite, deklaroi sot sekretari amerikan i Mbrojtjes, Mark Esper në Uashington.
“Presidenti amerikan Donald Trump ka aprovuar vendimin për dislokimin e trupave të mbrojtjes,në Lindjen e Mesme,” tha Esper nga Pentagoni.
Rebelët Houthi të Jemenit kanë marrë përgjegjësinë për sulmet e javës së kaluar mbi objektet kryesore të naftës saudite në provincën lindore të Buqyaq.
Por, Arabia Saudite dhe Shtetet e Bashkuara të Amerikës dyshojnë se pas këtyre sulmeve mund të fshihet Irani, të cilat fillimisht kanë ndaluar rreth gjysmën e prodhimit të naftës të Arabisë Saudite.
“Hetimet nga ekipet hetimore amerikane, saudite dhe ndërkombëtare treguan se armët e përdorura ishin të prodhuara nga Irani dhe nuk ishin vënë në dispozicion nga Jemeni,” deklaroi Esper.//a.i/
