NJU JORK, 9 shtator /ATSH-AA/ – Rafael Nadal ka fituar në “US Open” duke marrë titullin e 19-të në turnetë “Grand Slam”.
Tenisti spanjoll mposhti rusin Daniil Medvedev në pesë sete, 7-5, 6-3, 5-7, 4-6, 6-4, në ndeshjen që zgjati 4 orë e 51 minuta.
Nadal fitoi titullin e tij të katërt në “US Open” dhe titullin e 19-të të madh në garat individuale në stadiumin “Arthur Ashe” në Nju Jork.
23-vjeçari Medvedev për herë të parë në karrierën e tij luajti në një finale “Grand Slam”. /G.S/
