TIRANË, 28 gusht /ATSH/ Ambientet e brendshme të Bashkisë së Kamzës kanë marrë një pamje të re.
Kjo pas përfundimit të lyerjes së zyrave në të cilat punojnë me dhjetëra punonjës të bashkisë.
Kryetari i ri i bashkisë së Kamzës, Rakip Suli, shprehet se këto ambiente të cilat ishin në një gjendje të mjerueshme kishin plot 12 vite pa u lyer.
Suli gjithashtu shton se gjithçka u bë e mundur me një kosto prej 0 lekë.
“Dhe ja ku përfundoi me sukses lyerja e zyrave në të cilat punojnë me dhjetëra punonjës të bashkisë, duke u quajtur relativisht si shtëpi e tyre dhe e çdo qytetari të Kamzës! Këto ambiente të cilat ishin në një gjendje të mjerueshme dhe kishin plot 12 vite pa u lyer! Një falënderim të përzemërt të gjithë personave që kontribuan dhe bënë të mundur spastrimin dhe ndihmuan në lyerjen e ambienteve, ku gjithçka u bë e mundur me një kosto prej 0 lekë!”, thekson kryebashkiaku Suli.
/gj.mima/j.p/
