TIRANË, 23 Gusht /ATSH/ -Ndeshjet e para të fazës ‘play-off’ të ‘Europa League’ kanë dhuruar rezultate surprizë, por edhe të pritshme.
Të enjten janë zhvilluar ndeshjet e para të fazës ‘play-off’ të Europa League ku nuk kanë munguar surprizat, por edhe rezultatet e pastra.
Më shumë përshtypje bëri humbja me rezultatin minimal 1-0 e Eintraktit të Frankfurtit në transfertën e Strasburgut. Goli i Zohi në pjesën e parë ishe ai që vendosi sfidën në favor të francezëve që do të përpiqen të administrojnë gjithçka në duelin e kthimit.
Torino ndërkohë është mposhtur në shtëpi me shifrat 2-3 nga anglezët e Wolverampton, të cilët kanë hedhur një hap jo të vogël për fazën e grupeve. Gjithsesi goli i realizuar në minutat e fundit nga Belotti mban gjallë shpresat e italianëve, të cilët në 90 minutat e para bënë një paraqitje nën pritshmëri para publikut të tyre.
Në këtë raund pati edhe rezultate, të cilat thuajse hipotekojnë kalimin e një skuadre apo të një tjetre.
Kështu Feynord mposhti pastër 3-0 Hapoel Beer Shevën, skuadrën të cilën e nisi rrugëtimin përballë Laçit. PSV mposhti gjithashtu me shifrat 3-0 Apollon Limasol, ndërsa nga 3 herë realizuan në portat e kundërshtarëve edhe Astana me Malmo-n.
/gj.m/j.p/
