LONDËR, 23 korrik /ATSH-DPA/ – Ministrja britanike e Arsimit, Anne Milton ka dhënë dorëheqjen nga qeveria konservatore e kryeministres Theresa May.
Ajo tha se ishte e shqetësuar për faktin se Britania e Madhe mund të tërhiqej nga Bashkimi Europian pa asnjë marrëveshje.
Milton theksoi në letrën e dorëheqjes se ka “shqetësime serioze rreth largimit nga BE pa një marrëveshje”.
“Është e rëndësishme për mua që të jem e lirë të bëj atë që mendoj”, theksoi Milton.
Dje, edhe ministri i Britanisë së Madhe për Europën dhe Amerikën, Alan Duncan, dha dorëheqjen.
Duncan ka dhënë dorëheqjen disa orë para se të përfundojë votimi për udhëheqjen e Partisë Konservatore.
Ai kishte përjetuar polemika të ashpra në lidhje me procesin e Brexit-it me ish-ministrin e Jashtëm të vendit, Boris Johnson, i cili pritet që të fitojë udhëheqjen e partisë./ /os/ a.jor.
