PARIS, 5 korrik /ATSH-AA/ – Lojtari i dikurshëm i “Mançester Junajtid”, Ander Herrera ka nënshkruar një kontratë pesëvjeçare me PSG-në, njoftuan kampionët e Francës.
Herrera në Paris erdhi si lojtar i lirë, pas i skadoi kontrata me “Junajtid” ndërsa largimin nga “Old Traford” e paralajmëroi që në maj.
“PSG është klubi më i madh në Francë. Ai vazhdon të përparojë dhe të garojë për çdo trofe të mundshëm. Jam i lumtur me ardhjen time në Paris dhe faktin që do të vesh fanellën e këtij klubi. Shpresoj të vazhdoj të krijoj një histori të klubit. Ndjehem shumë mirë. Parisi është qyteti më i bukur në botë. Unë premtoj tre gjëra: punë, profesionalizëm dhe pasion”, tha Herrera për faqen e internetit të klubit. /G.S/
