BERLIN, 14 qershor /ATSH-DPA/ – Figurat kryesore të koalicionit qeverisës gjerman njoftuan sot disa marrëveshje pas një takimi dy ditor në Berlin që u zhvillua pas rezultateve zhgënjyese të zgjedhjeve europiane dhe dorëheqjes së papritur të liderit të socialdemokratëve (SPD).
Largimi i Andrea Nahles nga kreu i SPD-së në fillim të këtij muaji nxiti spekulimet se parita e qendrës së majtë mund të largohet nga koalicioni qeverisës.
“Liderët parlamentarë të partisë së kancelares Angela Merkel, Unioni Kristian Demokrat dhe SPD-së janë të vendosur kthejnë punën e koalicionit në sukses”, deklaroi Alexander Dobrindt i CSU-së, partia simotër e CDU-së.
Zyrtarët pranuan të përmirësojnë mbulimin e rrjetit të telefonisë celulare në Gjermani, përfshirë edhe krijimin e një organizmi federal për infrastrukturën celulare për të ngritur kulla të telefonisë në zona të thella.
Liderët Parlamentarë pranuan gjithashtu të përmirësojnë situatën në sektorin e infermierisë duke rritur pagat dhe ulur burokracinë si dhe do të fillojnë të heqin taksën e solidaritetit, një taksë e vendosur gjatë bashkimit të Gjermanisë. /G.S/
