TIRANË, 7 qershor /ATSH/ – Investimet në infrastrukturën rrugore, janë shtrirë në të gjithë territorin e bashkisë së Roskovecit, në njësitë administrative dhe në qytet.
Rruga “Llambi Marku” në fshatin Marinëz është transformuar plotësisht, si rezultat i investimit të financuar nga buxheti i bashkisë Roskovec.
Projekti parashikonte ndërhyrje në infrastrukturore nëntokësore dhe mbitokësore. Në këtë rrugë janë bërë kanalizimet e ujërave të bardha dhe të ujërave të zeza. Gjithashtu kjo rrugë tashmë ka trotuarë, shtresë asfaltike, ndriçim dhe hapësira publike për banorët.
Banorët e zonës shprehen mjaft të kënaqur nga ky investim, i cili rrit cilësinë e jetës së tyre. /a.a/j.p/
