ANKARA, 6 qershor /ATSH-AA/ – Një turiste kineze 75 vjeç, Wang Qiling, e cila ishte për pushime në qytetin Fethiye të Turqisë, pavarësisht moshës së saj ka kaluar çaste të paharuara në paragliding.
Babadag në Fethiye është një vend i njohur për shkak se mijëra turistë çdo vit bëjnë paragliding që është forma më e përafërt me fluturimin e zogut.
Një nga këta turistë ishte kinezja e cila përkundër moshës së saj vendosi të përjetojë një aventurë që kërkon guxim të madh të cilin nuk e kanë shumë të rinj.
Qiling kishte ardhur me të bijën ndërsa kërcimin e bëri bashkë me pilotin Baris Aksoy nga një lartësi prej 1700 metrash.
Aksoy regjistroi fluturimin me 75-vjeçaren e cila ishte e qetë dhe këndonte gjatë fluturimit.
“Kur pashë njerëz që kalojnë çaste të mira në paragliding, shpreha dëshirë ta provoj. Nuk kisha frikë, kështu që pashë malet, Detin e Vdekur dhe shumë vende tjera në Fethiye”, thotë Qiling. /G.S/
