RIGA, 29 maj /ATSH-AFP/ – Parlamenti i Rigës zgjodhi sot presidentin e ri leton, Egils Levits, një ish-disident sovjetik, i emëruar gjyqtar i Gjykatës Europiane të Drejtësisë.
Juristi 63 vjeç, i cili ndoqi studimet në Gjermani, ishte kandidat i koalicionit të qendrës së djathtë në pushtet.
Ai mori mbështetjen e 61 nga 100 deputetët e këtij shteti balltik, anëtar i NATO-s dhe eurozonës.
Levits do të pasojë presidentin Raimonds Vejonis, i cili nuk ishte i pranishëm në sallë.
Roli i kreut të shtetit leton është relativisht formal.
Ai është komandant i Forcave të Armatosura dhe emëron kryeministrin dhe ambasadorët.
Ai mund të propozojë ligje, por edhe t’i kundërshtojë duke i rikthyer mbrapsht në Parlament dhe ka të drejtën për të shpërndarë këtë të fundit./ /v.b/ a.jor.
