NJU JORK, 28 maj /ATSH-AFP/ – Themeluesi i organizatës, Human Rights Watch (HRW), Robert Bernstein, mbrojtës i flaktë i disidencës politike dhe lirisë së shprehjes, vdiq të hënën në moshën 96-vjeçare, njoftoi gazeta amerikane ”New York Times”.
E përditshmja konfirmon lajmin e vdekjes, në një spital të Nju Jorkut, nga një prej tre djemve të tij.
Robert Bernstein, i cili themeloi HRW gjatë Luftës së Ftohtë, ishte publicist.
Në krye të shtëpisë botuese ‘’Random House’’ ai ka publikuar vepra të autorëve amerikanë si Toni Morrison, Theodor Seuss Geisel, i quajtur Dr Seuss, Gore Vidal si dhe disidentë sovjetikë si Andrei Saharov dhe Elena Bonner, po ashtu dhe çekun Vaclav Havel./ /v.b/ a.jor.
