TIRANË, 25 Maj /ATSH/ -Opozita e bashkuar zhvillon sot protestën e gjashtë kombëtare në Tiranë.
Mbështetësit e opozitës jo parlamentare janë mbledhur në Bulevardin “Dëshmorët e Kombit” për të nisur tubimin e paralajmëruar rreth orës 19.00 përpara Kryeministrisë.
Policia e Shtetit ka marrë të gjitha masat për të garantuar mbarëvajtjen e kësaj proteste, duke qëndruar përreth perimetrit të godinës së Kryeministrisë.
Deputetët e Partisë Demokratike dhe Lëvizjes Socialiste për Integrim kanë dorëzuar mandatet e tyre dhe kërkesa e tyre është ngritja e një qeverie tranzitore që do të çojë vendin në zgjedhje të parakohshme.
Kjo është protesta e gjashtë kombëtare e PD dhe aleatëve të saj, ndërsa e katërta që zhvillohet pasdite.
/gj.mima/ /a.g/
