TIRANË, 22 Maj /ATSH/ – “Malësorët e mullirit” është një tjetër rrugë në Njësinë Administrative Berdicë që po i nënshtrohet rikonstruksionit të plotë.
Me një gjatësi 710 metër linear, për rikonstruksionin e saj janë akorduar 103 milion lekë nga të ardhurat e qeverisjes vendore.
Gjatë inspektimit të punimeve, në bashkëbisedim me banorët, kryebashkiakja e Shkodrës, Voltana Ademi vuri theksin në rëndësinë e investimeve në infrastrukturë për përmirësimin e jetës në komunitet.
Rruga “Malësorët e mullirit” ka një gjatësi 710 metër linear, do të ketë një sipërfaqe të asfaltuar prej 2300 m2, bordura 1200 metër linear, kanalizime të ujrave të bardha- KUB 580 metër linear.
Etapa e fundit e rikonstruksionit, do të jetë sinjalistika vertikale dhe ajo horizontale.
/gj.mima/ /a.g/
