RUMANI – Krerët e BE-së: Të bashkuar jemi më të fortë

SIBIU, 9 maj /ATSH-AFP/ – Liderët e 27 shteteve që do të mbeten në Bashkimin Europian pas largimit të Britanisë së Madhe nënshkruan sot në Sibiu (Rumani) një deklaratë për të ardhmen e Europës, me sloganin për të qëndruar të bashkuar pavarësisht të gjitha pengesave dhe të mbrojmë qytetarët.

”Të bashkuar jemi më të fortë”, shkruajnë krerët e shteteve dhe qeverive europiane në një tekst i cili përmban një listë me dhjetë zotime për BE-në.

Në mesin e tyre përmenden mbrojtja e një Europe si një e vetme, nga lindja në perëndim, nga veri në jug, por edhe uniteti përballë vështirësive dhe me një frymë solidariteti.

Të 27 u angazhuan gjithashtu të mbrojnë mënyrën e jetesës europiane, demokracinë dhe shtetin e së drejtës si dhe respektimin e parimit të barazisë.

Ata kërkojnë të ulin pabarazitë që ekzistojnë mes tyre, për të ruajtur të ardhmen për brezat e ardhshëm të evropianëve dhe mbrojtur qytetarët./ /v.b/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.