TIRANË, 9 maj/ATSH/ “Vendet tona kanë ende shumë për të mësuar nga themeluesit e Bashkimit Europian dhe filozofia e këtij projekti historik”, – deklaroi sot Presidenti Ilir Meta, gjatë punimeve të samitit të radhës së Liderëve të Procesit të Brdo-Brijunit, që po zhvillohet në Tiranë.
Meta tha se “vendet tona kanë shumë për të mësuar nga filozofia e këtij projekti historik mbi çfarë mund të konsiderohen ide pioniere, nxitëse të një epoke të re të bashkëjetesës në rajonin tonë”.
Procesi i Brdo-Brijunit është një nismë rajonale bashkëthemeluar nga presidentët slloven dhe kroat në vitin 2010.
Samiti i Liderëve në Tiranë, që përkon dhe me “Ditën e Europës”, synon të përçojë një mesazh të rëndësishëm politik lidhur me aspiratën e përbashkët të vendeve të rajonit për t’u integruar në Bashkimin Europian./m.m/ /a.g/
