ROMË, 6 maj /ATSH-ANSA/ – Sigurimi i pranisë në bord, te të gjitha fluturimet ajrore kombëtare dhe ndërkombëtare të një defibrilatori gjysmautomatik (AED) dhe personeli të trajnuar dhe të certifikuar, i cili mund të ndërhyjë menjëherë, në rast të ndalimit të papritur të zemrës, është propozimi i presidentit të së ashtuquajturës Shoqata Italiane e Sistemit 118, Mario Balzanelli.
Për faktin se shumë persona humbasin jetën çdo vit gjatë fluturimeve, Balzanelli i dërgoi një letër kryetarëve të Autoritetit Kombëtar të Aviacionit Civil (ENAC) duke kërkuar që të garantohet “mbrojtja kardiake në fluturimet ajrore”.
“Vdekja e një turisti holandez për shkak të ndalimit të papritur të zemrës që ndodhi para pak ditësh gjatë fluturimit Katania-Amsterdam, i cili detyroi pilotin të bënte një ulje emergjente në Piza, së bashku me episode të tjera, ngrenë nevojën për të siguruar lëvizjen e sigurt edhe në ajër për qytetarët’’, shkruan presidenti SIS 118.
Në prani të një arresti të papritur kardiak, ekzekutimi i menjëhershëm nga ata që janë në vend, brenda 3-4 minutave të para, nëpërmjet shkarkimit elektrik nga një defibrilator, mund të shpëtohen shumë njerëz.
“Shpresoj të merret në konsiderate nga ana e të gjithë vendimmarrësve institucionalë për mbrojtjen efektive të jetës”, përfundon Balzanelli./ /os/ a.jor.
