PARIS, 9 prill /ATSH-ANSA/ – Franca duhet të vazhdojë me reformat ekonomike, ndonjëherë të papëlqyeshme, të presidentit Emmanuel Macron, theksoi Organizata për Zhvillim dhe Bashkëpunim Ekonomik (OECD).
‘’Masat liberalizuese të Macron ishin thelbësore për të luftuar papunësinë’’, tha OECD në një studim ekonomik të Francës, duke vënë në dukje se rritja ekonomike ishte ngadalësuar pas një përmirësimi gradual në vitet e fundit.
Papunësia franceze qëndron në 9,1 %, sipas OECD, krahasuar me një mesatare prej 5,8 % në të gjithë 36 shtetet anëtare të organizatës.
Disa nga reformat e Macron kanë qenë jopopullore, me sindikatat që kundërshtojnë ndryshimet e ligjit të punës dhe opozitën e krahut të majtë duke shfrytëzuar heqjen e pjesshme të pasurisë së Francës për të etiketuar atë si “presidentin e të pasurve”.
“Disa ndikime negative afatshkurtra negative të këtyre reformave në disa popullata nuk duhet të kompensohen kurrë për t’i bërë ato më të pranueshme”, rekomandoi OECD.
‘’Ekonomia e Francës ka gjasa të rritet në 1,3 % të PBB-së në vit në 2019 dhe 2020’’, thotë raporti, me një ngadalësim në partnerët kryesorë tregtarë të Francës që goditnin eksportet dhe investimet e biznesit.
Sipas agjencisë kombëtare të statistikave INSEE, Franca kishte një rritje ekonomike prej 1,6 % në 2018 dhe 2,3 % në 2017./ /os/ a.jor.
