TIRANË, 4 prill /ATSH/ – Drejtoresha për Ballkanin Perëndimor në Komisionin Europian dhe Shefe e Operacionit Ndërkombëtar të Monitorimit (ONM), Genoveva Ruiz Calavera do të vizitojë Tiranën
Gjatë vizitës së saj dyditore në Shqipëri, 4-5 prill, Ruiz Calavera do të zhvillojë takime me Kryeministrin Edi Rama, ministren e Drejtësisë Etilda Gjonaj, ministren e Financave, Anila Denaj, me përfaqësues të opozitës dhe anëtarë të Këshillit të Lartë të Prokurorisë.
Genoveva Ruiz Calavera, do të marrë pjesë në aktivitetin e prezantimit të Qendrës Kombëtare Burimore për Shoqërinë Civile në Shqipëri, në Hotel “Tirana International”, në Tiranë.
Qendra Kombëtare Burimore për Shoqërinë Civile, e financuar nga BE-ja, do të shërbejë si një platformë për shoqërinë civile në nivel kombëtar për të mbështetur ndërtimin e kapaciteteve të saj, dialogun e politikave dhe përpjekjet për advokim për një mjedis që krijon mundësi.
Ruiz Calavera do të kryesojë gjithashtu takimin e bordit të Operacionit Ndërkombëtar të Monitorimit, si dhe do të marrë pjesë në një tryezë diskutimi me shoqërinë civile mbi çështjet e të rinjve.
/gj.mima/j.p/
