UASHINGTON, 28 mars /ATSH-AFP/ – SHBA-ja e cilësoi sot si qesharak sanksionimin për të mos u zgjedhur për 15 vite dhe shkarkimin e ndërmarrë nga autoritetet venezuelase kundër presidentit të Parlamentit të Venezuelës, Juan Guaido, që është gjithashtu shefi i opozitës.
“Kjo, është e fortë. Kjo është qesharake”, deklaroi zëdhënësi i departametit të Shtetit, Robert Palladino.
Presidenti i Parlamentit venezuelas, Juan Guaido që është gjithashtu edhe kreu i opozitës, u shkarkua sot nga posti i tij dhe nuk mund të ushtrojë më asnjë funksion zgjedhor për 15 vite sepse dyshohet për korrupsion, njoftuan autoritetet venezuelase.
Kontrollori i Përgjithshëm i Republikës, Elvis Amoroso, i ngarkuar me mbikëqyrjen e transparencës së administratës në Venezuelë, vendosi t’i ndalojë ushtrimin e çdo funksioni zgjedhor qytetarit (Juan Guaido) për afatin maksimal të parashikuar nga ligji. /G.S/
