TIRANË, 21 shkurt /ATSH/ – Në kuadër të programit “Edukimi nëpërmjet artit dhe kulturës”, si dhe nismës “Të njohim monumetet e kulturës” DRKK Gjirokastër në bashkëpunim me shkollën 9-vjeçare “Avni Rustemi” Libohovë organizuan sot një orë informuese në kalanë e “Argjiros” si dhe në “Muzeun Historik dhe atë të Armëve” i cili ndodhet në brendësi të saj.
Nxënësit u njohën me monumentin e trashëgimisë kulturore të ndërtuar në gjysmën e dytë të shekullit XIII, historikun e saj, që ka shërbyer ndër shekuj dhe si e njohim sot, si një ndër monumetet më të rëndësishëm të zhvillimit kulturor në vend.
Nxënësit u njohën me një pjesë të kaluar të historisë të mishëruar në objekte, fotografi, histori gojore, skulptura, piktura etj. /a.a/j.p/
