TIRANË, 18 shkurt/ATSH/ – Ministrja për Marrëdhëniet me Parlamentin, Elisa Spiropali ka zhvilluar një takim me ambasadorin e OSBE në Tiranë, Bernd Borchardt me të cilin diskutoi rreth një sërë reformash mjaft të rëndësishme për integrimin europian të Shqipërisë.
Gjatë takimit mes tyre, biseda është përqendruar te rëndësia e dialogut mes partive politike, Reformën Zgjedhore si dhe zgjedhjet lokale të qershorit.
“Bisedë konstruktive me Ambasadorin e OSBE, Bernd Borchardt, në këtë kohë ultimatumesh me “djegie” mandatesh diskutuam mbi rëndësinë e dialogut, reformën zgjedhore dhe zgjedhjet lokale si hapa të mëtejshëm në rrugën tonë evropiane”, theksoi Spiropali.
/e.caushi/
