https://www.facebook.com/edirama.al/videos/544461592708138/
TIRANË, 18 shkurt/ATSH/ Historia e dy bashkëshortëve, Lumturies dhe Rustemit nga Burreli, të cilët me punën si tornitorë e frezatorë prej 40 vjetësh i kanë siguruar një jetë të lumtur fëmijëve të tyre erdhi këtë herë përmes rubrikës “Njerëz të padukshëm”.
Kryeministri Edi Rama publikoi historinë e radhës te rubrika e përjavshme në ERTV, “Njerëz të padukshëm”, e cila këtë herë u ndal në qytetin e Burrelit.
Lumturie dhe Rustem Rruci janë dy bashkëshortë që vazhdojnë të ushtrojnë në punishten e tyre zanatin e tornitorit duke siguruar të ardhura për familjen.
Edhe pse zanati i tornitorit është paksa i pazakontë për një grua, sipas Lumturies, “të bësh punë nuk është turp, pasi vetëm me punë jetohet”.
Në punishten e tyre ata prodhojnë detale të ndryshme për t’i ardhur në ndihmë bujqësisë apo minierave.
“Njerëz të padukshëm” ka si qëllim të promovojë njerëzit e zakonshëm që kryejnë punë vërtet për t’u admiruar. /m.m/ /a.g/
