Libra falas për nxënësit deri në klasën e nëntë

TIRANË, 16 shkurt/ATSH/ – Fëmijët e arsimit fillor do të kenë mundësi që të përfitojnë libra falas deri në klasën e nëntë, duke lehtësuar nga barra e pagesës familjet shqiptare.

Gjatë aktivietit “Bashkia që duam” Kreu i qeverisë, Edi Rama bëri me dije se nxënësit e shkollave do të përfitojnë librat falas deri në përfundimin e ciklit fillor.

“Pyetini prindërit që i çojnë fëmijët në shkollë, sa paguanin për librat deri dje dhe dëgjojini që thonë që janë falas deri në klasën e nëntë”, – u shpreh Kryeministri Rama.

Gjatë këtij viti, Qeveria shqiptare ka shpërndarë gjithashtu libra falas për familjet në nevojë dhe ata që trajtohen me ndihmë ekonomike.

/e.caushi/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.