Aparatura moderne në spitalin e Përmetit

TIRANË, 14 shkurt/ATSH/ – Ministria e Shëndetësisë dhe Mbrojtjes Sociale po investon jo vetëm në spitalet rajonale, por edhe në ato bashkiake.

Kështu, në Spitalin e Përmetit është vënë në punë spirometri dhe eko kardiake. Sipas ministres së Shëndetësisë, Ogerta Manastirliu, tani qytetarët falë patronazhimit të disa mjekëve specialistë nga Spitali Rajonal i Gjirokastrës mund të marrin shërbimet shëndetësore afër vendbanimit të tyre.

Prej gati një viti, sistemi i patronazhimit po mundëson dhënien e shërbimit të specializuar afër vendbanimeve të qytetarëve. /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.