PEKIN, 30 janar /ATSH-AFP/ – SHBA-ja u kërkoi sot Kinës dhe Rusisë që të mos bëjnë publike kompleksitetin e programeve bërthamore, në sfondin e kërcënimit të Uashingtonit për tërheqje nga një traktat i çarmatimit, të nënshkruar me Moskën.
Një zyrtare e lartë amerikane e dha këtë deklaratë në publik gjatë një takimi në Pekin mes pesë anëtarëve të përhershëm të Këshillit të Sigurimit të OKB-së, me temë çarmatimin dhe mospërhapjen e armëve bërthamore.
Andrea Thompson, zëvendëssekretarja amerikane e Shtetit e ngarkuar me Kontrollin e Armatimeve dhe Çështjeve të Sigurisë Ndërkombëtare, njoftoi se kishte rezultate të pabarabarta në aspektin e transparencës në kuadër të Traktatit të Mospërhapjes së Armëve Bërthamore (TNP), të nënshkruar në 1968.
“Kemi rënë dakord për përcaktimin e një formati raportimi, por ka një hendek mes deklaratave amerikane dhe atyre ruse dhe kineze për sa i përket transparencës”, deklaroi Thompson.
“Vlera e transparencës në këtë rast është e jashtëzakonshme”, theksoi ajo./ /v.b/ a.jor.
