PARIS, 28 janar /ATSH-ANSA/ – Kulla Eiffel, një nga simbolet e Parisit, kryeqytetit të Francës, është mbyllur për vizitorët për shkak të reshjeve të dëborës.
Në njoftimin e autoriteteve lokale theksohet se është i hapur vetëm restoranti në katin e parë.
Enti i Përgjithshëm Meteorologjik i Francës njoftoi se për shkak të reshjeve të dëborës është rritur niveli i alarmit.
Kompania RATP, e cila është e ngarkuar për trafikun hekurudhor, metronë dhe autobusët në Paris dhe provinca, ka njoftuar se në rajonin Ile de France për shkak të dëborës janë anuluar 150 linja autobusësh./ /os/ a.jor.
