SEUL, 28 dhjetor /ATSH-DPA/- Informacionet personale të rreth 1 000 dezertorëve të Koresë së Veriut drejt Koresë së Jugut, u zbuluan në një kompjuter që u hakerua në një qendër rivendosjeje shtetërore, njoftoi agjencia koreano-jugore e lajmeve Yonhap.
Emrat, datat e lindjes dhe adresat e 997 desertorëve të Koresë së Veriut u arritën të hakerohen nëpërmjet një kompjuteri personal, theksoi Ministria koreano-jugore e Bashkimit.
“Në atë kompjuter ekzistonte një skedar që përmbante informacion personal të dezertorëve të Koresë së Veriut. Një hetim i mëtejshëm është në proces për të përcaktuar se kush e bëri sulmin kibernetik dhe nga ku”, shtoi ministria./ /os/ a.jor.
