TIRANË, 17 dhjetor/ATSH/ – Mirëmbajtja dhe riparimi i rrugëve në njësitë administrative është në fokusin e punës së bashkisë së Shkodrës.
Sipas planifikimit, po punohet në Njësinë Administrative Rrethina, ndërsa aktualisht, në qendër të vëmendjes janë rrugët problematike në Bardhaj-Bleran.
Pas gërmimit dhe nivelimit, rruga shtrohet me çakull e stabilizant, duke e rrafshuar dhe niveluar.
Bashkia e Shkodrës po lehtëson kështu problemet, sidomos aty ku infrastruktura rrugore nuk ekziston apo nuk është vënë dorë prej dhjetëra vitesh.
Mirëmbajtja dhe riparimi i rrugëve në njësitë administrative ndikon edhe për lehtësimin e qarkullimit të qytetarëve e mjeteve edhe gjatë sezonit të dimrit./k.s/j.p/
