UEFA, ndryshime në ndeshjet e Ligës së Kampionëve

TIRANË, 12 dhjetor /ATSH/ – Drejtuesit e organizatës europiane të futbollit po mendojnë që ndeshjet e Champions Leagues të mos zhvillohen ditën e martë dhe të mërkurë, por gjithçka të zhvendoset për në fundjavë (të shtunë dhe të diel).

Por përveç kësaj, Champions League do të bëjë “rrokadën” duke zhvendosur ndeshjet e kampionateve respektive të martën dhe të mërkurën.

Ideja për këtë ndryshim është paraqitur nga presidenti i UEFA-s, Alexander Ceferin, dhe nga kreu i Shoqatës Europiane të Klubeve të Europës, Andrea Agnelli.

I njëjti burim thotë se presidenti i “Juventusit” sugjeroi zvogëlimin e ligave nacionale për ta bërë këtë ide më të lehtë, por propozimi i tij u refuzua menjëherë nga Bundesliga.

Gjithashtu në Champions u vendos që prej fazës së grupeve të përdoret teknologjia VAR.

/gj.m/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.